طريقه عمل البرازق
البرازق ده نوع بسكويت سورى واحنا بقينا بنعمله فى مصر بس لو جربتوا مره دايما حتعملوا
اولا المقادير
1.5 كوب دقيق
كوب الاربع ذبده
نصف كوب سكر ناعم
رشه ملح بسيطه جدا
سمسم للوجه
سودانى مطحونه ودا بيتحط تحت البسكوته
ثانيا الطريقه
نخفق الذبده مع السكر جيدا الى ان يصبحا كريمى ثم نضيف اليهم الدقيق ونعجنهم كويس
نجيب صينيه وندهنها ذبده ونضع السودانى المطحون اول حاجه وناخد حته عجينه فى ادينا وندورها وننفردها مدوره ونحطها فى السمسم ونشيلها نحطها وشها اللى فى السمسم فوق والفاضى نحظه على السودانى
ونكرر كله بنفس الطريقه لغايه مانخلص الكميه اللى عندنا كلها
وندخلها الفرن على نار هاديه وناخد بالنا كويس لانها رقيقه واول ماتحمر من تحت نطفى الفرن ونشغل الشوايه لغايه متاخد لون حلو من فوق بس يكون فاتح مش غامق عشان السمسم ميتحرقش
بس وهى دى طريقه البرازق وهى مش بتاخد وقت خالص ولا بتحتاج تخمر ولا حاخد يادوب تشكليها وعلى الفرن على طول
وبالف هنا وشفا
0 التعليقات:
إرسال تعليق